悠長假期終於結束了!!!

不經不覺放左兩個星期大假, 真係人生幾何!!! 不過可憐的我全用在同功課搏鬥.... 兩星期交三份功課, 真係悶死人。不過唯一好處係可以大訓等訓, 日日訓到11點先起身, 跟住做功課, 食飯, 再做功課。夜晚就照平時返韓文, 約左朋友食飯, or 返馬會。生活都幾充實。都好0既....為自己叉叉電, 平時放annul 都係去旅行, 依家先係第一次hea係屋企咁多日, 原來都幾爽 (如果唔洗趕功課就更好) !!! 

不過今日終於都搬野去新office 啦, 地點係上環, 比以前遠左少少, 不過都係地鐵站對面, 算ok啦!!! 不過由於只係暫時, 所以間房好細....!!! 就係因為唔夠位, 所以都係坐住先, 遲d 搵到先office再搬... 唉..!! 命中註定有搬遷命!!! 做咁耐, 計埋搬房, total 已經搬左4次.... 執野執到怕!!! 雖然走0既時候已經掉左好多, 不過由於間房冇咩櫃, 而我老細話因為暫時用, 所以唔肯買櫃, 要我想辦法放好0個10箱野, 都真係幾有難度..... 唉..... 有排執!!!!  依家一層鬼咁多人, 一次過介紹完之後, 我轉頭已經唔記得晒.. 哈哈, 要從新適應真係要d 時間。

新0既一頁即將開始, 是好, 是壞...仲係未知之數.... 我要加油呀!!!!

生日快樂!!!!

又到生日, 有返咁上下年紀, 生日已經變得有d 驚.... 女人就係咁!!! 雖然人人都話我外表唔似.... 但自己知自己事!!! 唔知自己仲可以keep幾多年, 由其是近呢兩年煩多左... 白頭髮都多左好多!!! 哈哈!!! 係時候要讓自己休息多d 啦!!! 真係補唔返架啦!!!

慶祝會活動由上星期六25號開始, 多謝馬會主任們0既第一個蛋糕, 26號馬會同事DINNER同gift, 同William 一齊慶祝, 0個個28,30 0既笑話, 真係好好笑...一大班人真係好開心, 次次都笑到肚痛 !! 仲有28號細彣同Amy Dinner , 大家都傾得好開心, thank you!! 明天仲有舊公司同事同老細 Dinner...係咁亂0既時候仲記得我生日慶祝.... 多謝晒!!! 下星期都仲有朋友0既慶生dinner.... 總之多謝各位!!!

朋友真係我最大的動力!!!  朋友間有人提出了40年後之約, 我地開頭一聽到都會覺得「有冇搞錯」呀!!! 不過諗清楚又覺得不錯喎!!! 一大班朋友可以一直陪自己到老, 真係好難得, 好warm!!! 大家老時仲可以話當年, 一齊過埋人生晚年, 都幾開心!! 不過我地咁鬼嘈... 要有人肯收留我地都幾難!!!  哈哈!!! 諗諗下40年仲有好耐時間, 會唔會30年會好d?  哈哈!!!

順帶一提... 我已經last day左... 今日開始唔洗再返工住!!! 由於有D人太cheap, 令我走出門口0既時候, 真係傷感唔出, 終於可以唔洗見到D 「假人」!!! 至於其他各位好同事... 保重啦!!!  我會懷念你地... 大家一起共事9年... 好多謝你地教我好多野... 同一直咁照顧我!!!

最後幫自己個位影返張相留念, 其實我個位真係頗大... 相信以後要有咁大個位都唔容易, 仲有貼左好多東方神起 (連Wallpaper 都係) & 好多PC 狗...哈哈!!! 好似好多野, 但我想講好多都唔係我0既, 係公司d 文件,  我走0個陣時都係得兩大箱only, 裡面仲有好多係我老細d 野, 平時放係我度only....!!!  係呢個位工作左5年(頭4年唔係坐呢度) , 冇感情就假0既!!! 

都係0個句... 我永遠都會記得2008年0既生日!!!!

離愁別緒....倒數仲有5個工作天

好耐冇寫blog... 近日發生太多事了..... 心情好忐忑!!! 老細要轉去第二間公司了.... 當初佢作決定前, 佢都有問我意見, 我當然贊成了!!! 一來係呢度, 無得點再發圍, 出去睇下都好0既!!!! 加上待遇比以前好.... 為理想, 為生活, 我都諗唔到理由唔走....!!! 我留係呢度都冇意思, 所以當然會跟著走!!! 起初以為會急急收拾好就走, 所以在計劃如何走時, 我仲未feel 到有d 咩不捨!! 只係諗住點執野!!! 不過結果因為去向未明, 要返埋下個星期.... 要面對同事0既時間就多左!!!  當同事知道之後, 各人0既反應, 真係另我知道咩係人情冷暖....!!! 有的真係當你係同事, 點都會問候, 關心你兩句, 叫我第日返0黎搵佢地食飯...  姑勿論係真心問... 定係八掛... 又或者係假意... 起碼有出聲0既人, 我都覺得佢地有正視過我0既存在!!!! 有d 就算係同一層樓0既, 見你執緊野... 都可以扮睇唔到....直頭好似陌生人咁喎.. 招呼都唔打 !!!! 平時要求我時就低聲下氣..... 現在真面目出晒0黎啦... cheap 到死!!!

今日開始我張入門卡, 就只能於辦公時間出入了.... 我5:30上左去第二層樓落返0黎, 點知「0都」唔返入去...!!! 我問先知佢地所為辦公時間係5:30囉... 我本身放6:00 架大人!!!! 於是佢地幫我改返6:00.....唉!!! Sorry... 我真係唔知道.... 因為我張卡不嬲都有特權, 沒有時限可以自由出入任何樓層... 一下子入唔到0個一刻真係有d 心酸!!!! 不竟係度做左9年啦!!!! 當有同事打電話0黎約我食lunch farewell 我時, 就開始feel 到我真係離開呢度0既感覺了!!! 原本以為自己可以好瀟脫!!! 老細一早已經交低左鎖匙, 唔再返0黎, 只吩咐我收拾好一切... 所以佢都可以不用面對這些!! 佢係之前已經因為要做決定而折騰夠了, 不知哭過多少遍.... 唔想再面對之後0既事... 係應該0既!!! 如果要佢執野.. 我諗喊死佢都有份....!!! 已經執左一半0既野.... 見住自己個位... 開始越來越少野.....離愁卻越來越多 !!! 仲有一個星期...點都要頂埋呀!!!!!

最令我忐忑0既, 係我老細仲未落實會轉去邊.... 連我阿媽問我... 我都唔知點答....!!! 之前話搬去上環, 我就講住上環先... 費事佢成日問!!! 一日未落實心都唔可以定落0黎... 點都怕有咩問題...!!!  仲有一個星期... 希望呢個星期有定案吧!!!!! 今個星期仲係我生日呢... 呢個都算係我最不平凡0既生日吧!!!!

終於大結局啦!!!! 好耐冇追香港電視劇啦.....

點解會追呢套劇???  原因好簡單 ~~ 「林峰」是也.....!!! 本人就係會睇林峰做0既劇, 就算之前溏心風暴, 我都只係飛住0黎睇林峰0既部份..... 我覺得佢做古裝最正!!! so.... 呢套0岩晒我心意!!! 故事都唔太爛.... 都睇得下0既!!! 今日終於都完了!!! 可以唔洗再追lu.....舒服晒!!!

我終於收到啦!!!!  從韓國帶回來的神起4輯

好開心... 我終於收到神起0既新碟啦!!! 多謝細彣係韓國帶佢地返0黎, 仲係今年最早0既生日禮物添!!!   多謝晒!!!!! 呢度有 A, B 版0既新碟, A版係CD+寫真, B 版係CD+DVD, 兩個封面都好靚, 仲有好靚0既POSTER添!!! 哈哈!!! 仲有Uknow電話繩同扇仔係細彣俾我0既Gift... 好靚!!! 咁0岩我個化妝袋個扣下午爛左, 個Uknow電話繩就代替左佢掛左係我化妝袋, 跟住我周圍去lu..... ^^ !!!